ЖОО-дағы білім беру бағдарламаларына қойылатын талаптар нақты белгіленбеген

Қазақстанда оқу орындарындағы бағдарламаларға қойылатын талаптар нақты белгіленбеген, деп хабарлайды «Хабар 24». Салдарынан кей университеттер америкалық бағдарламамен білім береді. Оқып шыққан жас маман жұмысқа барғанда кәсіпорындар «мұндай бағдарлама бізге әлі жеткен жоқ» деп ақталады. Екі ортада оқуды енді бітірген жас қалады. Қазақстанның жоғары оқу орындары қауымдастығының өкілдері осындай пікірде. Білім және ғылым министрлігі «Атамекен» ұлттық кәсіпкерлер палатасымен бірлесіп, бағдарламалар бойынша жоғарғы оқу орындарының рейтингін жасайды. Оның аясында оқу бағдарламалары жұмыс берушілердің сертификациясынан өту керек. «Ал қауымдастық өкілі аталған жоба толық жетілмеген», - дейді. Сондықтан оны пайдалану тиімсіз. Рахман Алшанов, ҚР Жоғары оқу орындары қауымдастығының президенті: - Оқу орындарының бағдарламасы бұл негізінде профстандарт болу керек. бірақ қазір Қазақстанда 1876 мамандық бар. соның ішінде Атамекен жасаған профстандарттар бағдарламасы барлығы 400. Сонда қалай тексересіздер? Біз оқулық бағдарлама жасауымыз керек. Жасаған кезде неге сәйкес келу керек? осы мәселе шешілмегендіктен біз министрлікке атаменкеннің рейтингін санау әлі ертерек деп айтып отырмыз. Олар дайындап болсын өз жұмыстарын. Одан кейін бізге баға берсін. Осы категория бойынша: « Алматылық ұстаз химия пәнін ерекше әдіспен оқытады Ақтауда оқушы мектеп ауласына «көше кітапханасын» орнатты »